🌹देवाला कोणती फुले प्रिय आहेत 🌹श्री गुरुदेव दत्त

🌹देवाला कोणती फुले प्रिय आहेत ?🌹

Which flowers like to bhagwan

🌹श्री गुरुदेव दत्त | श्री गुरू स्वामी समर्थ🌹

अधिक मास म्हटलं की प्रत्येकच स्त्रीमध्ये एक प्रकारे उत्साह जागतो आणि महिनाभर वेगवेगळ्या प्रकारची रोज ३३ फुले वाहून ती आपल्या बाळकृष्णाची मनोभावे पूजा करते.

कृष्ण हा भगवान विष्णूचा आठवा अवतार. जेव्हा भगवान विष्णूंना विचारले गेले की तुम्हाला जाई, मोगरा , गुलाब , चंपा , पारिजातक अशी कोणती फुले पाहिजेत ? तेव्हा भगवान विष्णूंनी सांगितले की मला यातील कोणतेही फूल नको ,मला आठ फुले पाहिजेत.

ती आठ फुले कोणती याचे सुंदर वर्णन या संस्कृतच्या श्लोकामध्ये आपल्याला पहावयास मिळते .

अयुसा प्रथमं पुष्पं
पुष्पं इंद्रियनिग्रहं
सर्वभूत दयापुष्पं
क्षमापुष्पं विशेषतः
ध्यानपुष्पं दानपुष्पं
योगपुष्पं तथैवच
सत्यं अष्टोदम पुष्पं
विष्णू प्रसीदं करेत

अयुसा हे पहिले पुष्प आहे.

म्हणजेच जाणुनबुजून किंवा अजाणतेपणी कोणत्याही प्रकारे हिंसा करू नका.

दुसरे पुष्प आहे इंद्रियनिग्रह.

आपल्या इंद्रियांवर ताबा ठेवा . मला हे पाहिजे , माझ्या कडे ते नाही असे म्हणू नका.समाधानी रहा.

तिसरे पुष्ष आहे सर्वभूत दया. सर्वांवर प्रेम करा . कोणाचाही तिरस्कार करू नका .

चौथे आणि विशेष पुष्प आहे क्षमा . कोणी आपल्याला चुकीचा म्हणत असेल तरीही त्याला क्षमा करा.

ध्यान पाचवे पुष्प आहे .ध्यान करा ज्यामुळे मन एकाग्र होऊन मनावर ताबा मिळवता येईल.

दान सहावे पुष्प आहे . सढळ हाताने दान करा.

सातवे पुष्प आहे योग. योग करा.

सर्वात महत्त्वाचे आठवे पुष्प आहे सत्य . नेहमी सत्य बोला .सत्य बोलून एखाद्या वेळी कोणाचे मन दुखले तरी चालेल पण असत्य बोलून एखाद्याच्या मनातून कायमचे उतरु नका.

ही पुष्पे अर्पण करून भगवान विष्णूला प्रसन्न करा .

🌹श्री गुरुदेव दत्त | श्री गुरू स्वामी समर्थ🌹

गुरु स्वामी समर्थ❤️

हा ब्लॉग शोधा

🌹देवाला कोणती फुले प्रिय आहेत 🌹श्री गुरुदेव दत्त | श्री गुरू स्वामी समर्थ🌹

टिप्पण्या

टिप्पणी पोस्ट करा