🌹श्री स्वामी समर्थ महाराजांची समाधी🌹 गुरुदेव दत्त

🌹श्री स्वामी समर्थ महाराजांची समाधी 🌹 गुरुदेव दत्त | श्री गुरू स्वामी समर्थ 🌹

************************

श्री स्वामी समर्थ महाराज 23/09/1857 मधे नवरात्री उत्सवाच्या पांचव्या दिवशी म्हणजे पंचमीला अक्कलकोट येथे प्रकट झालेत.अक्कलकोट येथील बुधवार पेठेत श्री चोळाप्पा नाईक राहात होते.श्री चोळाप्पाचा भाग्योदय श्री स्वामी समर्थांच्याच कृपेने झाला कारण सर्वप्रथम श्री स्वामी महाराज चोळाप्पाच्या घरी साधू संन्याशी वेशात जेव्हा गेले तेव्हा श्री चोळाप्पा व त्यांच्या पत्नीने महाराजांना आपल्या घरी राहण्याचे स्थान देऊन त्यांची मनोभावे सेवा केली.शके अठराशे बहुधान्य संवत्सर,वद्य पक्ष , मंगळवार दिवस,चौथ्या प्रहरी अक्कलकोट गांवी भव्य अशा वटवृक्षाखाली महाराजांनी आपला अखेरचा श्वास सोडला.

पुढे श्री स्वामी समर्थ महाराजांच्या इच्छेनुसार त्यांचा चैतन्यमय देह अगदी मोठया समारंभात श्री चोळाप्पा यांच्या घरी आणण्यात आला व बुधवार पेठेतील या ब्रम्हानंद गुहेत श्री स्वामी समर्थ महाराज निजानंदी अखंड राहिले व काही काळानंतर महाराजांच्या कृपेने पांच खणी ताकडी बांधणीचा भव्य सभामंडप बांधण्यात आला.

श्री चोळाप्पाचे हेच घर महाराजांची पूजनीय वास्तू बनली. सन 1978 साली श्री स्वामी समर्थ महाराज देहरूपी ब्रह्मनंदी निजमग्न होऊन तेथेच विसावले.

श्री स्वामी समर्थांचे बुधवार पेठेतील आगमन त्यांचे तेथे राहाणे व समधीस्थान अशा प्रकारच्या सर्व लीला श्री चोळाप्पाच्या तेथील वास्तुरुप घराने पाहिलेल्या आहेत.याच घरामध्ये श्री स्वामी समर्थांचे पवित्र स्थान व्हावे ही श्री चोळाप्पाची खूप इच्छा होती व त्याकरीता त्यांनी स्वतः खूप पुढाकार घेतला व ह्या कार्याकरीता श्री स्वामी समर्थ संस्थान पुणे व मुंबई येथील भक्त व श्रीपाद भट्ट यांचे सहकार्य लाभले.सन 1868 च्या सुमारास श्री स्वामी समर्थ महाराजांनी व्यक्त केलेल्या इच्छेनुसार एका शुभ मुहूर्तावर तेथे पाया खोदून या शुभकार्याचा आरंभ झाला.अगदी काही थोडया वर्षांनंतर तेथे एक अपूर्व सुशोभित असे मंदिर निर्माण झाले.मंदिराच्या खाली एक गुहा बांधण्यात आली. या पवित्र ठिकाणी श्री स्वामी समर्थ महाराज प्रत्यक्ष साक्षात एक प्रहर वास्तव्य करून राहिले व ते म्हणाले कि,हे आमचे योग समाधी साधनेचे आद्य व प्रिय स्थान आहे."

श्री वामनबुवा वाम्बोरीकर विरचित " श्री गुरुलीलामृत " ग्रंथातील 35 व्या अध्यायातील ओवी क्रमांक 6 ते 176 पर्यंत या संपूर्ण घटनेचे विवरण दिले आहे,त्यामध्ये श्री वामन बुवा यांनी म्हटले आहे कि प्रख्यात ग्रामजोशी श्री बाळकृष्ण यांनी जो शुभमुहूर्त काढून दिला त्यानुसारच देव स्थापनेकरीता सर्वांच्या अनुमतीने सर्व शुद्ध,सिध्द मुहूर्त निश्चित करण्यात आला.शालिवाहन शके 1795 , श्रीमुख संवत्सर,उत्तरायण, शिशिर ऋतू,माघ मासी,शुक्ल पक्ष व त्यातल्या त्यात माघ शुद्ध दशमी,वार मंगळवार व ध्रुव रोहिणी नक्षत्रावर वेद आचार्यांनी अधिवासन करून अनेक मानवाईकांच्या उपस्थितीत यज्ञकुंड मंडपास प्रारंभ केला.माघ शुद्ध पौर्णिमेला त्रयमूर्तीची मुखकमल कोनाड्यात उच्च स्थानावर सन्मुख मांडून त्यांच्या जवळ काळ्या दगडात घडविलेल्या श्री स्वामी पादुका स्थापन केल्या.

"श्री स्वामी समर्थ महाराज" पादुकांच्या जवळच डाव्या बाजूला ' मयुरेश्वर श्री सिद्धिविनायक ' व उजव्या बाजूस ' आम्रकोटेशवर' लिंग स्थापन केले.वेद मंत्राचे घोष,अनेक प्रकारची स्तोत्रे व मंगल जयजयकार चालू होते.वाजंत्री, भेरी,मृदुन्ग,झांजा यांचे निरंतर नाद होत होते.नगारे,तुताऱ्या , ढोलक,वीणा वाजत होत्या.अनेक प्रकारच्या गायकांच्या उपस्थितीत त्याच्या सुमधुर आवाजात संस्कृत,मराठी,कानडी भाषेत स्तोत्रे व भजने गायली जात होती.श्री स्वामी समर्थ महाराजांचा अखंड जयजयकार होत होता.काही वेळानंतर मंदिराचे खाली गुहेत बसलेले महाराज जेव्हा बाहेर आलेत तेव्हा तेथे उपस्थित असलेले अनेक विद्वान,साधुसंत,सेवेकरी व दर्शनार्थ्यांनी श्री स्वामी नामाचा गजर केला.डंके वाजू लागली, निशाणे फडकली.ध्वजा,पताका, तोरणे आनंदाने डोलू लागली. श्री स्वामी महाराजांच्या नामगजरात वेद मंत्रोच्चारण झाले.हे वेद मंत्रोच्चारण स्वयंभू श्री स्वामी मुखातून प्रकट झाल्याने ते अधिकच प्रभावी व अर्थपूर्ण झाले होते व हे ज्या श्रोत्यांनी अनुभवले त्यावेळी त्यांच्या मनात परमानंद दाटून आला.या सोहळ्याच्या निमित्ताने श्री स्वामी समर्थ महाराजांनी भक्तश्रेष्ठ चोळाप्पाच्या वास्तूत स्थापन झालेल्या या अद्वितीय स्थळाचे महात्म्य वर्णन करतांना सांगितले आहे कि,आद्य वेदमंत्रानी

सिद्ध झालेल्या या आवडीच्या मंदिरात येवून व राहून जे जप,तप,यज्ञ व अनुष्ठान,ब्राम्हण संतर्पण,समाराधना करतील,आम्रकोटेशवराची सेवा आराधना,मंगलमूर्ती मयुरेश्वराची सेवा व निजपादुकांचे यथासांग पूजन करतील,वेदमंत्राचे नित्य पठण व श्री गुरुचरित्र ग्रंथाचे पारायण,शुद्ध अंतकरणाने,इष्ट मंत्रांचे पूरश्चरण करतील त्यांना अनंत कोटी गुण फळ मिळेल व त्यांचे मनोरथ पूर्ण होतील. येथील कुशावर्त तीर्थात (श्री चोळाप्पा यांच्या अंगणातील बावडीत) स्नान करून जे तीर्थ घेतील ते रोग,संकट आणि दुःखातून मुक्त होतील व पुण्यपावन होतील.या वस्तूच्या तळघरातील स्थान हे आमचे प्रिय स्थान आहे. असिमीत समाधान देणारी निर्विकार,जीवबरम्हैक्य साधणारी अशी जी अखंड समाधी सांगितली जाते त्या अद्वैत परामामृत समाधीचे आमचे एकांत निवासस्थान आहे असे श्री स्वामी महाराज सांगतात.या जैन चोळाप्पाच्या घरात मी राहिले व अखेरीस हे शरीर ब्रह्मनंद गुहेत ठेवून गुप्त रूपाने भक्त सेवकांचे मनोरथ सदोदित पूर्ण करेल याची ग्वाही सुद्धा महाराजानी दिली आहे.काही कार्यानिमित आम्ही इतर ठिकाणी जरी गेलो तरी आम्ही सदैव येथेच असतो असे ही श्री स्वामी समर्थ महाराज सांगतात.

"आम्ही सर्वव्यापी असलो तरी शुद्ध अंतकरणात प्रकट होतो "

असा बोध करून श्री स्वामींनी सर्वांचे समाधान केले त्यामुळे सर्व विद्वान व अन्य भक्त संतुष्ट झालेत.पुढे श्री स्वामी समर्थांच्या आज्ञेने सर्वांना श्रीफळ,प्रसाद , विडे देण्यात आले आणि पुढे उत्तम आखणी केलेल्या भोजन समारंभामध्ये शेकडो उपस्थित भाविक महाप्रसाद घेऊन तृप्त मनाने व पवित्र भावनेने आपापल्या घरी परतले.

शके अठराशे,बहुधान्य संवत्सर , चैत्र मास,वद्य पक्ष मंगळवार चतुर्दशी तिथी,चौथा प्रहर शुभकाळी अक्कलकोट गावातील भव्य आशा वटवृक्षाखाली श्री स्वामी समर्थांनी आपला देह विसर्जित केला.

श्री स्वामी समर्थ महाराजांनी अगोदरच ठरविल्याप्रमाणे त्यांचा चैतन्यमय देह अपूर्व उत्कृष्ट समारंभ करून चोळापाच्या घरी आणण्यात आला आणि बुधवार पेठेतील या ब्रह्मनंद गुहेत श्री स्वामी समर्थ निजानंदी अखंड राहिले.श्री समर्थ कृपेने पांच खणी लाकडी बांधणीचा भव्य सभामंडप बांधण्यात आला. उजवीकडे सहा खणी दुमजली जागा बांधून चौघडादी वाद्ये व सभामंडपात नगाऱ्याची सोय झाली.ह्या ब्रह्मनंद गुहेजवळ दक्षिणेस स्वतः श्री स्वामी समर्थ महाराजांनी स्वहस्ते लावलेल्या औदुंबर कल्पवृक्षाच्या पारावर त्यांनीच दगडी पादुका आणि देवतांचीही स्थापना केलेली आहे. तेथून जवळच श्री स्वामी समर्थ महाराजांच्या प्रिय कपिला गायीचे व स्वामींचे एक निस्सीम भक्त श्री महारुद्रराव तसेच नानासाहेब देशपांडे (केजकर) यांचे देखील समाधीस्थान आहे.

ब्रह्मनंद गुहेवरील गाभाऱ्यातील काळ्या पाषाणावर श्री स्वामी समर्थ महाराजांचा मुखवटा असून उत्तम किरीट,मकराकार कुंडले, महावस्त्र अलंकारांनी सुशोभित अशा समाधीचे त्रिकाल यथासांग पूजन चोळापाचे वंशज पुजारी करतात.समाधीस भक्त लघुरुद्र , महारुद्र अभिषेक करतात.भक्त चोळाप्पांच्या इच्छेनुसार येथे घडलेले श्री स्वामी समर्थ महाराजांचे अखंड वास्तव्य हेच या अलौकिक वास्तूचे स्थान महात्म्य आहे.

-----------------------------------------

🌹Avdhut Chintan Shree Gurudev Datta🌹

❤️Anatakoti Brahmnda Nayaka Rajadhiraja Yogiraja Parabrahma Satchidananda Sadguru Akkalkot Niwasi Sadguru Shree Swami Samarth Mahara ki Jai..!❤️

❤️अनंतकोटी ब्रम्हांडनायक राजाधिराज योगीराज परब्रम्ह सच्चिदानंद सदगुरू अक्कलकोट निवासी सद्गुरू श्री स्वामी समर्थ महाराज की जय !❤️

🌹 श्री गुरुदेव दत्त | श्री गुरू स्वामी समर्थ 🌹

गुरु स्वामी समर्थ❤️

हा ब्लॉग शोधा

🌹श्री स्वामी समर्थ महाराजांची समाधी🌹 गुरुदेव दत्त | श्री गुरू स्वामी समर्थ 🌹

टिप्पण्या

टिप्पणी पोस्ट करा