🌹 श्रीनवनाथ भक्तिसार पारायण अध्याय वाचनाची फलश्रुती 🌹 ॐ चैतन्य गोरक्षनाथाय नमः 🌹गुरुदेव दत्त | श्री गुरू स्वामी समर्थ🌹

🌹श्री नवनाथ कथासार पारायण अध्याय वाचनाची फलश्रुती🌹

🌹गुरुदेव दत्त | श्री गुरू स्वामी समर्थ🌹

🌹Shree Navnath Kathasagar Parayan🌹

🌹Shree Gurudev Datta | Shree guru swami samarth maharaj🌹 

बहुतेक पोथीग्रंथात अखेरच्या अध्यायात प्रत्येक अध्यायाच्या वाचनाची फलश्रुती दिलेली आढळते. तशी ती 'श्रीनवनाथ भक्तिसार' ग्रंथातही अखेरच्या म्हणजे चाळीसाव्या अध्यायात दिलेली आहे. आपण ती थोडक्यात पाहू:

अध्याय पहिला - याच्या नित्य वाचनाने वा केवळ श्रवणानेही घरातील समंध बाधा त्रासून निघून जाते.

अध्याय दुसरा - अपार धनाची प्राप्ती

अध्याय तिसरा - शत्रूंचा नाश

अध्याय चौथा - कपट, कारस्थाने बंद पडून शत्रूचा नाश होईल व निरंतर शांती लाभेल.

अध्याय पाचवा - घरात पिशाच्चसंचार होणार नाही. ती घरात असतील तर त्रासून निघून जातील.

अध्याय सहावा - शत्रूच्या मनातील कपट दूर होऊन तो सेवक बनेल.

अध्याय सातवा - चिंता-व्यथा दूर होऊन जखीणीचे भय असल्यास तेही दूर होईल. (यासाठी या अध्यायाचे त्रिकाल वाचन करून एक मंडळ (४२ दिवस) पूर्ण करावे.)

अध्याय आठवा - परदेशी गेलेला मित्र (प्रियकर) परत येऊन भेटेल व चिंता व व्यथा दूर होईल.

अध्याय नववा - चौदा विद्यांचे ज्ञान होईल.

अध्याय दहावा - याचे अनुष्ठान केले असता स्त्रियांचे विकार दूर होऊन संतती वाढेल.

अध्याय अकरावा - अग्निपिडा दूर होईल व गृहपीडा (दोष) दूर होऊन संतती व संपत्ती प्राप्त होईल.

अध्याय बारावा - देवतांचा क्षोभ दूर होऊन त्या सुख देतील.

अध्याय तेरावा - स्त्रीहत्येचा दोष नाहीसा होऊन पूर्वजांचा उद्धार होईल.

अध्याय चौदावा - कारागृहातून मुक्तता होईल.

अध्याय पंधरावा - घरची-बाहेरची भांडणे बंद होऊन सुख, शांती लाभेल.

अध्याय सोळावा - दुःस्वप्नांचा नाश होईल.

अध्याय सतरावा - योगमार्गात प्रगती होईल व दुष्टबुद्धी नष्ट होऊन पाठक सन्मार्गाला लागेल.

अध्याय अठरावा - ब्रह्महत्येचे पातक नष्ट होऊन पूर्वजांची नरकातून मुक्तता होईल.

अध्याय एकोणिसावा - मोक्षप्राप्ती होईल.

अध्याय विसावा - वेड दूर होईल, प्रपंच सुखाचा होईल

अध्याय एकविसावा - गोहत्येचे पातक दूर होऊन (मृत्युनंतर) तपोलोकाची प्राप्ती होईल.

अध्याय बाविसावा - पुत्राची इच्छा असणार्‍यास पुत्र होईल व तो विद्यावंत होऊन विद्‌वज्जनात मान्यता प्राप्त करेल.

अध्याय तेविसावा - घरात विपुल सुवर्ण राहिल.

अध्याय चोविसावा - बालहत्येचा दोष दूर होऊन वांझ स्त्रियांना पुत्रप्राप्ती होऊन तो पुत्र सुखात नांदेल.

अध्याय पंचविसावा - दुसर्‍याचे शाप बाधणार नाहीत. मानवाशिवाय अन्य जन्म मिळणार नाही. तसेच आरोग्य लाभून पतिव्रता स्त्रीची प्राप्ती होईल व गुणी पुत्राचा लाभ होईल.

अध्याय सव्विसावा - कुलात कुणाची हत्या झाली असेल तर तो दोष नाहिसा होईल. मुले शत्रुत्वाने वागणार नाहीत.

अध्याय सत्ताविसावा - स्थानभ्रष्ट झालेल्यांना आपले स्थान पुन्हा प्राप्त होईल. हरवलेली वस्तू सापडेल.

अध्याय अठ्ठाविसावा - पाठकाचा विवाह होईल व त्याला सेवाभावी व गुणवान धर्मपत्नी मिळेल.

अध्याय एकोणतिसावा - क्षयरोग दूर होऊन त्रिताप नष्ट होतील.

अध्याय तिसावा - चोराच्या दृष्टीला बंधन पडेल. (म्हणजेच चोरांपासून भय राहणार नाही)

अध्याय एकतिसावा - कुणाचेही कपटमंत्र चालणार नाहीत.

अध्याय बत्तिसावा - गंडांतरे आपोआप टळतील.

अध्याय तेहतिसावा - धनुर्वात होणार नाही व झाला असल्यास त्याची पीडा दूर होईल.

अध्याय चौतिसावा - कोणत्याही कार्यात यश मिळेल.

अध्याय पस्तिसावा - पोटी महासिद्धाचा जन्म होईल व त्याच्या योगे बेचाळीस पिढ्यांचा उद्धार होऊन लोक त्याची स्तुती करतील.

अध्याय छत्तिसावा - सर्प किंवा विंचू चावला असल्यास त्याचे विष बाधणार नाही.

अध्याय सदतिसावा - पाठक विद्यावंत होईल, तसेच घराण्याला लागलेला डाग नष्ट होईल.

अध्याय अडतिसावा - हिवताप, नवज्वर यासारखे ताप दूर होतील.

अध्याय एकोणचाळीसावा - युद्धात जय प्राप्त होईल.

अध्याय चाळीसावा - यश श्री ऐश्वर्य पुत्र-पौत्र इ. सर्व गोष्टी प्राप्त होतील.

नवनाथ नावे	समाधीस्थळ	जन्म कसा झाला
मच्छिंद्रनाथ	सावरगांव, तालुका आष्टी, जिल्हा बीड	जन्म माशाच्या पोटी झाला म्हणून त्यांचे नाव मच्छिंद्रनाथ असे ठेवले गेले.
गोरक्षनाथ	मांजरसुंभा  तालुका जिल्हा अहमदनगर	गोरक्षनाथ यांचा जन्म उकिरड्या मध्ये झाला.
गहिनींनाथ	चिंचोली, तालुका आष्टी, जिल्हा बीड	मातीच्या पुतळ्यातून गहिनींनाथ यांचा जन्म झाला.
जालिंधरनाथ	यावलवाडी तालुका शिरूर, जिल्हा बीड	जालिंधरनाथ यांचा जन्म यज्ञ कुंडातून झाला.
कानिफनाथ	मढी, तालुका पाथर्डी, जिल्हा अहमदनगर	कानिफनाथ यांचा जन्म हत्तीच्या कानातून झाला.
भर्तरीनाथ	हरंगुळ, तालुका गंगाखेड, जिल्हा परभणी	उर्वशीचे सौंदर्य पाहून सूर्य देवतेचा वीर्यपात झाला आणि त्या वीर्याचा एक भाग कौलिक ऋषीच्या भिक्षापात्रात पडला व त्या पात्रातून भर्तरीनाथ यांचा जन्म झाला.
रेवननाथ	विटेगांव, तालुका खानापूर, जिल्हा सांगली	ब्रह्मदेवाचे वीर्य रेवा नदीच्या तीरावर पडले आणि त्यातून रेवननाथ यांचा जन्म झाला.
वटसिद्ध	नागनाथ वडवळ, तालुका चाकूर, जिल्हा-लातूर	वडाच्या झाडाच्या डोलीत राहणार्‍या सापाच्या अंड्यातून यांचा जन्म झाला म्हणून त्यांना वटसिद्ध नागनाथ असे म्हटले जाते.
चरपटीनाथ	गुप्तरित्या भ्रमन चालू आहे	भागीरथी नदीच्या किनार्‍यावर यांचा जन्म झाला.

ॐ चैतन्य गोरक्षनाथाय नमः

 🌹गुरुदेव दत्त | श्री गुरू स्वामी समर्थ🌹