🔸कालसर्प दोष 🔸Kalsarp Dosh🔸Kalsarp Yog 🌹गुरुदेव दत्त | श्री गुरू स्वामी समर्थ🌹

🔸 कालसर्प दोष 🔸

🌹श्री गुरुदेव दत्त | श्री गुरू स्वामी समर्थ🌹

कालसर्प Kalsapr dosh दोष हा खूप काही भयंकर आहे, असे मानले जाते. मात्र तसे काही नाही. कालसर्प हा दोष नसून तो एक योग आहे. कालसर्प योगाचा काही प्रमाणावर नकारात्मक प्रभाव आपल्यावर पडू शकतो.
    
ज्योतिष हे एक शास्त्र आहे. प्रत्येक माणसाची जन्मकुंडली, त्यातील ग्रहांची स्थाने यांवरून त्याचे व्यक्तिमत्त्व, स्वभाव, भविष्यातील घटनांचा एक अंदाज बांधला जातो. एका माणसाचे अनेक प्रकारे भविष्य सांगतले जाऊ शकते. जन्मकुंडली हा त्यातील एक भाग आह.

कालसर्प दोष हा खूप काही भयंकर आहे, असे मानले जाते. मात्र तसे काही नाही. कालसर्प हा दोष नसून तो एक योग आहे. कालसर्पाविषयी अनेक मानत्या, समजुती, गैरसमुती आहेत. कालसर्प घातकी आहे, असे मानले जाते. मात्र तसे काही नाही.

🔸कालसर्पयोग Kalsarp Yog म्हणजे काय ?🔸

कुंडलीत सर्व ग्रह राहू व केतू यांच्या मध्ये येतात, तेव्हा कालसर्प योग येतो... त्यामुळे हा दोष नसून योग आहे. या योगात राहू सापाचे मुख व केतू शेपटी असतो. यामुळे भविष्यातील काही घटनांची पूर्वकल्पना मिळू शकते, असे सांगितले जाते. हा योग ज्यांच्या कुंडलीत येतो, ते अतिशय प्रतिकूल परिस्थितीतही उत्तम प्रकारे यश प्राप्त करू शकतात. अशा मंडळींना अचानक धनलाभ होतो; उच्चाधिकाराच्या जागा मिळतात. मात्र, उलटपक्षी हा योग तीव्र स्वरूपात असेल, तर दारिद्र्यही येते. खूप परीश्रम करून काहीही पदरात पडत नाही. कालसर्प योगाचे प्रकार किती? पाहूया.....

अनंत Anant कालसर्प योग:

ज्या व्यक्तीच्या पत्रिकेत राहू पहिल्या आणि केतू सातव्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला अनंत कालसर्प योग म्हणतात... अशा व्यक्तींच्या वैवाहिक जीवनावर परिणाम होतात. विवाह योग लांबतात. मतभेद निर्माण होतात. नात्यात दुरावा निर्माण होऊ शकतो. पहिल्या घरातील राहूच्या अस्तित्वामुळे व्यक्तीला सतत संघर्ष करावा लागतो तर सातव्या घरातील केतुमुळे जोडीदारासोबत असमाधानकारक वातावरण राहते, असे सांगितले जाते......

कुळिक Kulik काल सर्प योग:

ज्या व्यक्तींच्या पत्रिकेत राहू दुसऱ्या आणि केतू आठव्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला कुळिक कालसर्प योग म्हणतात... शैक्षणिक समस्या निर्माण होऊ शकतात. खाणे, पिणे, वाईट सवयी यांमुळे वारंवार आरोग्याच्या तक्रारी उद्भवू शकतात. अनेक रोग-व्याधी जडू शकतात. पत्रिकेतील द्वितीय स्थान हे धन-स्थान मानले जाते. या प्रकारच्या दोषामुळे माणसाला दारिद्र्य येऊ शकते. कुंडलीत कुलिक कालसर्प योगामुळे गंभीर अपघात होऊ शकतात, असे सांगितले जाते.....

वासुकी Wasuki कालसर्प योग:

ज्या व्यक्तींच्या पत्रिकेत राहू तिसऱ्या आणि केतू नवव्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला वासुकी कालसर्प योग असे म्हटले जाते... यामुळे माणसाच्या आयुष्यात अनेक आघाड्यांवर त्याला अडचणी येतात. प्रयत्नांना यश मिळत नाही. पैसे कमविण्यासाठी खूप मेहनत घ्यावी लागते. जन्मकुंडलीतील तिसरे घर हे व्यक्तीची मेहनत दर्शवते. तर नववे घर हे व्यक्तीचे नशीब आणि भाग्य दर्शवते. कुटुंबासाठी अनेक पातळ्यांवर झगडावे लागते.....

पदम Padam कालसर्प योग:

ज्या व्यक्तीच्या पत्रिकेत राहू पाचव्या घरात आणि केतू अकराव्या घरात असून इतर सर्व ग्रह या दोन ग्रहांच्या मध्ये आले असतील, तर त्याला पदम कालसर्प योग म्हणतात... यामुळे शिक्षणाची समस्या, प्रेमसंबंध, प्रेम विवाह, आरोग्य आणि दैनिक उत्पन्नाशी संबंधित समस्या निर्माण होऊ शकतात, असे मानले जाते. विद्यार्थीच्या जन्म कुंडलीमध्ये हा योग असल्यास अभ्यासात खूप परिश्रम केल्यानंतरही त्यांना चांगले परिणाम मिळत नाहीत, असे सांगितले जाते.....

महा पदम Maha Padam कालसर्प योग:

ज्या व्यक्तीच्या पत्रिकेत राहू सहाव्या आणि केतू बाराव्या घरात असून अन्य सर्व ग्रह या दोन ग्रहांच्या मध्ये आले असतील, तर त्याला महा पदम कालसर्प योग म्हणतात... यामुळे नोकरी, सेवा, हितशत्रूंचा त्रास, आरोग्य, अतिरिक्त खर्च, कमी उत्पन्न, सरकारी प्रशासन खात्यांकडून अडचणी यांसारख्या समस्या उद्भवू शकतात. आपल्याला जर अशा समस्यांशी संबंधित विषयांवर प्रश्न पडत असल्यास तज्ज्ञ व्यक्तीकडून आपल्या कुंडलीचे विश्लेषण केले पाहिजे, असा सल्ला दिला जातो.

शन्कफळ Shankphal कालसर्प योग:

ज्या व्यक्तींच्या पत्रिकेत राहू चौथ्या आणि केतू दहाव्या घरात असून, इतर सर्व ग्रह या दोन ग्रहांच्या मध्ये आले असतील तर त्याला शन्कफळ कालसर्प योग म्हणतात... याचा नकारात्मक प्रभाव बालपणी तीव्र प्रकारे दिसतो, असे सांगितले जाते. पत्रिकेलीत चतुर्थ स्थान हे बालपणीचा काळ दर्शवते. लहान वयात अनेक वाईट सवयी लागणे, शाळा बुडवणे तसेच वाईट मित्रांची संगत, अशा गोष्टींचा सामना करावा लागतो. यामुळे व्यवसाय धंद्यावर तसेच कामावर परिणाम होऊ शकतो, असे सांगितले जाते.

तक्षक Takshak कालसर्प योग:

ज्या व्यक्तींच्या पत्रिकेत राहू सातव्या आणि केतू पहिल्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला तक्षक कालसर्प योग म्हणतात... यामुळे आयुष्यावर मोठे परिणाम होऊ शकतात. वैवाहिक जीवनात जोडीदारासोबतचे संबंध बिघडू शकतात. केतू प्रथम स्थानात असल्यामुळे आरोग्यावर परिणाम होतात. या योगात भागीदारीत धंदा करू नये. धंद्यात नुकसान होऊ शकते, असा सल्ला दिला जातो. यामुळे अनेक विरोधक निर्माण होतात, असे सांगितले जाते.

कर्कोटक Karkotak कालसर्प योग:

ज्या व्यक्तींच्या पत्रिकेत राहू आठव्या आणि केतू दुसऱ्या घरात असून इतर सर्व ग्रह या दोन ग्रहांच्या मध्ये आले असतील, तर त्याला कर्कोटक कालसर्प योग म्हणतात... या योगामुळे आयुष्यातील प्रत्येक टप्प्यावर कमनशिबी असल्याचा भास होऊ शकतो. यामुळे वडिलोपार्जित संपत्तीचा लाभ घेता येत नाही, असे सांगितले जाते. या कालसर्प योगामुळे मित्र फसवतात. विवाह लांबतात. आरोग्याच्या तक्रारी वारंवार निर्माण होतात, असे सांगितले जाते.

शंखनाद Shankhnad कालसर्प योग:

ज्या व्यक्तींच्या पत्रिकेत राहू नवव्या आणि केतू तिसऱ्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला शंखनाद कालसर्प योग, असे म्हटले जाते... अशा व्यक्तीस त्याच्या वडिलांकडून काही समस्या उद्भवू शकतात, असे सांगितले जाते. वडिलांकडून कोणताही पाठिंबा मिळत नाही. आर्थिक नुकसान, मित्रांकडून फसवणूक, आदी गोष्टींना सामोरे जावे लागू शकते. तसेच अगदी छोटी गोष्ट साध्य करण्यासाठी खूप कष्ट करावे लागतात, असे सांगितले जाते.

घातक Ghatak कालसर्प योग:

ज्या व्यक्तींच्या पत्रिकेत राहू दहाव्या आणि केतू चौथ्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला घातक कालसर्प योग म्हणतात... यामुळे अशा व्यक्तींच्या जीवनात अनेक अडचणी येऊ शकतात. राहू दहाव्या घरात असल्यामुळे त्याला व्यावसायिक जीवनात अडचणी येऊ शकतात. सतत नोकरी तसेच व्यवसाय बदलत राहावे लागतात. आपल्या मातृभूमीपासून दूर राहण्याची वेळ येऊ शकते, असे सांगितले जाते.

विषधर Vishdhar कालसर्प योग:

ज्या व्यक्तींच्या पत्रिकेत राहू अकराव्या आणि केतू पाचव्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला विषधर कालसर्प योग म्हणतात... या योगामुळे डोळे तसेच हृदयाचे विकार उद्भवू शकतात. लहान किंवा मोठ्या भावंडांशी असलेले संबंध बिघडतात. पैसा अत्यल्प प्रमाणात असतो. अभ्यासातील प्रगती खुंटते. अर्थार्जनासाठी घरापासून दूर राहावे लागते. आयुष्यात खूप संघर्षाला सामोरे जावे लागते, असे सांगितले जाते.

शेषनाग Sheshnag कालसर्प योग:

ज्या व्यक्तींच्या पत्रिकेत राहू बाराव्या आणि केतू सहाव्या घरात असून, इतर सर्व ग्रह या दोन ग्रहांच्या मध्ये आले असतील, तर त्याला शेषनाग कालसर्प योग, असे म्हटले जाते... हा योग असलेल्या व्यक्तींना सापाचे भय सतत सतावते. काहीही कारण नसताना कायदेशीर अडचणींना सामोरे जावे लागू शकते. आरोग्याच्या तक्रारी वारंवार उद्भवू शकतात. हा योग असलेल्या व्यक्तींना दोनदा विवाहाचे योग असू शकतात, असे सांगितले जाते.

🔸कालसर्प दोष/योगावरील उपाय🔸

कुंडलीतील कालसर्प योगामुळे वारंवार वाईट स्वप्ने पडतात. स्वप्नात वारंवार साप दिसतात... मात्र, प्रतिदिन श्रीविष्णूंची उपासना केल्यास कालसर्प दोष दूर होऊ शकतो. याशिवाय गोमेद रत्न धारण करणे, नागकृती असलेली अंगठी चांदीत करून परिधान करणे, नागपंचमीचे व्रत करणे, राहू-केतूचे जप करणारी अनुष्ठाने करणे, असे काही उपाय केल्यास कालसर्प दोष दूर होण्यास मदत होऊ शकते. अलाहाबाद किंवा नाशिक येथील त्र्यंबकेश्वर येथे जाऊन पूजा-अनुष्ठान केले गेल्यास कालसर्प दोष दूर होतो, असे सांगितले जाते. ज्या व्यक्तींना आपल्या कुंडलीत कालसर्प आहे, अशी शंका असल्यास ज्योतिषशास्त्रातील तज्ज्ञ व्यक्तींचा सल्ला घेऊनच उपाय करणे हिताचे ठरू शकते.....

🌹श्री गुरुदेव दत्त | श्री गुरू स्वामी समर्थ🌹